Mizoram zirlai Post Matric Tribal Scholarship dawng tur 2024- 2025 kum a mite bakah kum hmasa 2023- 2024 kuma zirlaite dawn tur vbc 8.07 la pek loh pawh pek theih a ni dawn ta a ni.

Ministry of Tribal Affairs chuan July ni 7, 2025 khan zirlaite tana Post Matric Scholarship sem tur vbc 50.42 chu Mizoram sorkar kutah a lo hlan tawh a, an dan thar hman tur Mizoram sorkar SNA - SPARSH avangin vawiin thlengin a sem theihloh reng a ni.

Mizoram sorkar pawhin August ni 19, 2025 khan central sorkar sum pek do letna tur maching share sum vbc 5.60 a pe chhuak ve nghal bawk.

Post Matric Tribal Scholarship sum sem theih mai turah hun reitak harsatna a lo thlen tak avangin Mizoram sorkar chuan Finance Ministry ah thlenin 'one time exemption from SNA- SPARSH model' a dil a, a dilna hi nimin khan october ni 31, 2025 thleng atan a phalsak a, a hma angin scholarship a sem theih leh dawn a ni.